Eolas Fúinn

Is é ról na Seirbhíse Páirceanna Náisiúnta agus Fiadhúlra (SPNF) ná:

Caomhnú raon ionadaíoch d’éiceachórais a dhaingniú agus pobail flóra agus fauna in Éirinn a choinneáil ar bun agus a bhreisiú.
An tAcht um Fhiadhúlra, 1976, an tAcht um Fhiadhúlra (Leasú), 2000 agus Treoracha an AE maidir le Gnáthóga agus Éin a riaradh, agus stiúrthóireacht agus treoir a sholáthar d'údaráis áitiúla, agus do ghníomhaireachtaí stáit maidir lena bhfreagrachtaí faoin reachtaíocht seo.
Limistéir Oidhreachta Náisiúnta (LONanna), Limistéir Chaomhantais Speisialta (LCSeanna) agus Limistéir faoi Chosaint Speisialta (LfCSeanna) a ainmniú agus comhairle a thabhairt faoina gcosaint agus aird ar leith á tabhairt ar an ngá le dul i gcomhairle le páirtithe leasmhara,
Na socruithe riachtanacha a dhéanamh le reachtaíocht agus beartais Naisiúnta agus an AE a chur i ngníomh agus le raon na gCoinbhinsiún agus na gComhaontuithe idirnáisiúnta, a bhaineann leis an oidhreacht nádúrtha, a dhaingniú agus a chur i ngníomh,
Páirceanna Náisiúnta agus Tearmainn Dúlra, ar leis an Stát iad, a bhainistiú, a chothabháil agus a fhorbairt.

Triúr Stiúrthóir atá i gceannas ar an tSeirbhís Páirceanna Náisiúnta agus Fiadhúlra: John Fitzgerald, Ciaran O'Keeffe agus Conor Ó Raghallaigh a thuairiscíonn chuig Tom Corcoran (Rúnaí Cúnta).

Déanann John Fitzgerald maoirseacht ar an mBainisteoireacht Réigiúnach, lena n-áirítear bainistíocht Pháirceanna Náisiúnta agus Tearmainn, agus bainistíocht airgeadais na SPNF
Déanann Ciaran O'Keeffe maoirseacht ar shaincheisteanna ó thaobh na hEolaíochta, Speiceas agus na Bithéagsúlachta agus ar chúrsaí Cheadúnúcháin
Déanann Conor Ó Raghallaigh maoirseacht ar ainmniúchán agus chosaint na láithreán caomhnúcháin, agus ar reachtaíocht chun an dúlra a chaomhnú

Bíonn an Bhainisteoireacht Réigiúnach freagrach as:

Na hAchtanna um Fhiadhúlra 1976-2000, na hAchtanna Iascaigh Mhíolta Móra agus na Rialacháin, lena dtugtar éifeacht do na Treoracha maidir le Gnáthóga agus Éin i ndlí na hÉireann, a chur i ngníomh agus a fhorfheidhmiú.
Bainistíocht na dtearmann dúlra agus na bpáirceanna náisiúnta ar leis an stát iad
Comhairle agus treorú d’údaráis phleanála maidir le tionchar iarratas forbartha
Rannpháirtíocht i dtionscadail taighde, mhonatóireachta agus suirbhéireachta trí shonraí a bhailiú laistigh dá limistéir
Seirbhís oideachais agus chomhairleach a sholáthar don phobal

Le haghaidh tuilleadh faisnéise nó chun dul i dteagmháil le do Mhaoirseoir Fiadhúlra áitiúil ón tSPNF, breathnaigh ar Faisneis Teagmhála don Bhainisteoireacht Réigiúnach PDF_icon.

Bíonn an tAonad Airgeadais & Comhordúcháin freagrach as:

Monatóireacht airgeadais don tSeirbhís Páirceanna Náisiúnta & Fiadhúlra, pleananna/tuarascálacha gnó a chomhordú, cumarsáid inmheánach/faisnéis riaracháin, tacaíocht riaracháin & faisnéis bhainistíochta a sholáthar.
Oiliúint, cóiríocht agus trealamh a sholáthar d’fhoireann chaomhnúcháin na Seirbhíse Páirceanna Náisiúnta & Fiadhúlra.
Na cearta spóirt a bhainistiú d'iarmhaoine Choimisiún na Talún.

Bíonn Aonad na mBeartas Bithéagsúlachta freagrach as an méid seo a leanas a chur i ngníomh in Éirinn:

Coinbhinsiúin idirnáisiúnta a bhaineann leis an mbithéagsúlacht agus le caomhnú an dúlra, m.sh. an Coinbhinsiún maidir leis an Éagsúlacht Bhitheolaíoch (CBD).
Beartais an AE don rud céanna

Bíonn an tAonad Páirceanna & Tearmann freagrach as: tailte, a bhfuair an Stát seilbh orthu chun an dúlra a chaomhnú (.i. Páirceanna Náisiúnta & Tearmainn Dúlra), a riaradh chomh maith le maoine eile nach bhfuil ainmnithe fós agus a bhfuarthas seilbh orthu chun an dúlra a chaomhnú. Is éard a bhíonn i gceist leis seo ná:

Tearmainn Dúlra a ainmniú faoin Acht um Fhiadhúlra (Leasú), 2000
Áiseanna do chuairteoirí a fhorbairt agus an t-aonad ag comhoibriú le hAonad Oideachais & Seirbhíse do Chuairteoirí Oifig na nOibreacha Poiblí (OPW).
Caiteachas na dtionscadal, arna bhfaomhadh ag Ciste Forbraíochta Réigiúnaí na hEorpa/ Ciste Struchtúrach agus arna maoiniú leis an gClár Forbartha Náisiúnta, a bhainistiú agus monatóireacht a dhéanamh air.
Soláthar poiblí le haghaidh oibreacha, soláthairtí agus seirbhísí i maoine na SPNF.
Lámhaltais/ceadúnais, lena n-áirítear bialanna, bádóireacht, fálróid ar chapaillíní, scannánaíocht srl. i maoine na SPNF a riaradh, a rialú agus a rialáil.
Éileamh faoi dhíobhháil phearsanta agus éilimh eile arna ndéanamh ag an bpobal a bhainistiú.
Coistí Idirchaidrimh Pháirceanna Náisiúnta a Bhunú.
Saincheisteanna na SPNF maidir leis an mbainistíocht mhaoine a bhaineann le díospóidí faoi theorainneacha, foghail ar mhaoine an Stáit, srl.

An Fhoireann Taighde & Eolaíochta Caomhnúcháin

Cuireann siad clár taighde na Seirbhíse Páirceanna Náisiúnta agus Fiadhúlra (SPNF) i ngníomh, leis an gcuspóir go soláthrófar sainfhaisnéis agus sainchomhairle eolaíochta, agus bonn eolaíochta chun reachtaíocht agus beartais a léirmhíniú agus a chur i ngníomh.

Suirbhéanna agus taighde eolaíochta chun sonraí bonnlíne agus monatóireachta a sholáthar chun a bheith mar bhonn agus mar thaca le beartais, ainmniúcháin, agus cosaint agus bainistiú gnáthóg agus speiceas fiadhúlra.

Clúdaíonn an clár taighde speicis agus gnáthóga, go háirithe a stádas, dáileadh, fairsinge, éiceolaíocht agus bagairtí, próisis agus feidhmeanna éiceolaíochta, éiceolaíocht athchóiriúcháin agus riachtanais na bpleananna bainistíochta/aicsin sna comhshaoil talúnda, fhionnuisce agus mhara. Liostaítear tionscadail reatha taighde anseo.

Bíonn an tAonad Pleananna & Ainmniúcháin Láithreán freagrach as: láithreáin a ainmniú agus fógra a thabhairt do phríomhpháirithe leasmhara le haghaidh:

Limistéir Oidhreachta Nádúrtha (LON)
Limistéir Chaomhantais Speisialta (LCS)
Limistéir faoi Chosaint Speisialta (LfCS)

Comhordaíonn an tAonad an rochtain ar fhaisnéis ar gach limistéar ainmnithe freisin agus freastalaíonn ar dhaoine a bhuaileann isteach san oifig ag 7 Plás Ely, Baile Átha Cliath 2.

Bíonn an tAonad um Chosaint Láithreán freagrach as:

Seilbh a fháil ar thailte.
Cosaint an Láithreáin a riaradh do Láithreáin ar moladh go foirmiúil iad a ainmniú, lena n-áirítear imeachtaí dlí
Moltaí foraoiseachta, a bhaineann le limistéir ainmnithe, (LON, LCS agus LfCS) a scrúdú
Cúiteamh i gcaillteanais a tabhaíodh de bharr gur cuireadh srianta i bhfeidhm de thoradh gur ainmníodh limistéar chun an dúlra a chaomhnú (lena n-áirítear an Scéim le Scor den Ghearradh Móna)
An Scéim Eadrána a chur i ngníomh, a eascraíonn as gníomhartha infhógartha.

Bíonn an tAonad Cosanta Speiceas freagrach as:

An córas ceadúnúcháin faoi na hAchtanna um Fhiadhúlra, 1976-2000 a riaradh chomh maith leis an gCoinbhinsiún maidir le Trádáil Idirnáisiúnta i Speicis Fauna agus Flóra Fiáine i mBaol (CITES)
Saincheisteanna maidir le speicis a chosaint lena n-áirítear tionscadail chosanta speicis a riaradh agus idirchaidreamh le hEagraíochtaí ábhartha Neamhrialtais
Painéal Eolaithe Comhshaoil na SPNF a sheirbhísiú chomh maith le líne chabhrach saorfóin 1800 405000 do limistéar arna ainmniú leis an dúlra a chaomhnú.

Bíonn an tAonad Beartas agus Reachtaíochta freagrach as:

Beartais ghinearálta maidir leis an reachtaíocht chaomhnúcháin dúlra a chur i ngníomh
Treoirlínte d’údaráis áitiúla, do ghníomhaireachtaí stáit agus don phobal maidir le hoibleagáidí na reachtaíochta
Athbhreithniú a dhéanamh ar reachtaíocht, agus rialacháin leasaitheacha a ullmhú chomh maith le reachtaíocht phríomhúil lena chinntiú go bhforáilfear go cuí sa reachtaíocht le speicis agus a ngnáthóga a chosaint go dlíthiúil, faoi mar a éilíonn dlíthe náisiúnta, an AE agus dlíthe idirnáisiúnta.

Cairt Eagrúcháin

Cliceáil anseo chun breathnú ar an gCairt Eagrúcháin